ايوا كلامي الجاك انا قلتو وكل العالم شهدوا عليهو حبك مات جواي دفنتو لاندمان لا ببكي عليهو لو كان قلبك لي الكعبة ما ظنيت من تاني اجيهو وحتى لو ريدك بقى دين الله انا متعمد كافر بيهو جاي تبكي على هوانا قش دموعك مابتنفع كيف بعد مالروح بتمرق من جديد للجثة ترجع المحبة البينا كانت ليك ماظنيت بتشفع يالبتلعب بالمشاعر انت قايل نحنا شفع ما زمان كنا بنريدك وكنا مجبورين بنسمع الا هسه نسينا حبك وانت مجبور انو تسمع الكلام الداير اقولو خلي صدرك ليهو اوسع انت مابتنفع معانا ولا معاك يازول بننفع وتاني لو دايرنا نرجع الجبال تندكا دكا ومن غرب شمس الله تسطع ويترك الناس دين محمد واليهود من موسى تقنع والنصارى يسيبوا عيسى وفيهو يشككوا انو يرجع ويبقى ابليس الملايكة ومن جديد لي الله يركع والسما تنزل نجوما والارض تنشق وتبلع وحتى لو قامت القيامة مستحيل انا ليك ارجع
متكحله بدم خاينها .
عدد الرسائل : 4 السٌّمعَة : 0 نقاط : 0 تاريخ التسجيل : 19/07/2008
